ՆԵՐՔԻՆ ԶԲՈՍԱՇՐՋՈՒԹՅԱՆ ԶԱՐԳԱՑՄԱՆ ՀԵՌԱՆԿԱՐՆԵՐԸ ՀՀ-ՈՒՄ
DOI-:
https://doi.org/10.53614/18294952-2021.1-59Հիմնաբառեր․-:
ներքին զբոսաշրջություն, զբոսաշրջիկ, կանխատեսում, ARIMA, համավարակ, մարքեթինգ։Ծանոթագրություն
Զբոսաշրջությունը վերջին տարիներին ամբողջ աշխարհում գրանցում էր աճի բարձր միտումներ։ Սակայն 2020թ․ զբոսաշրջության ոլորտի աճը խաթարվեց կորոնավիրուսի համավարակի պատճառով։ Շատ երկրներ, ինչպես և Հայաստանը, փորձեցին աշխուժացնել ներքին զբոսաշրջությունը։ Ներքին տեղաշարժման սահմանափակումների և համավարակի պատճառով 2020թ․ ՀՀ ներքին զբոսաշրջիկների թվաքանակը նվազել է՝ նախորդ տարվա համեմատ մոտ 33%-ով՝ կազմելով 1045756 մարդ։ Հոդվածում իրականացվել է ներքին զբոսաշրջիկների թվաքանակի կանխատեսում ապագա երեք տարիների համար ARIMA մեթոդով։ Ըստ կանխատեսումների՝ 2021թ․ ՀՀ ներքին զբոսաշրջիկների թվաքանակը կկազմի 1287492 մարդ, 2022թ․՝ 1350129 մարդ, 2023թ․՝ 1412764 մարդ։ Բացի այդ, վերլուծվել է ներքին զբոսաշրջության զարգացման առկա վիճակը, զարգացման հիմնախնդիրները, կատարվել են որոշ առաջարկություններ՝ ներքին զբոսաշրջության զարգացման համար՝ կապված մարքեթինգային գործունեության բարելավման, նոր երթուղիների մշակման և այլնի հետ։
