ԱԳՐՈԶԲՈՍԱՇՐՋՈՒԹՅԱՆ ԶԱՐԳԱՑՄԱՆ ՄԻՋԱԶԳԱՅԻՆ ՓՈՐՁԻ ՎԵՐԼՈՒԾՈՒԹՅՈՒՆԸ
DOI-:
https://doi.org/10.53614/18294952-2020.2-120Հիմնաբառեր․-:
ագրոզբոսաշրջություն, զբոսաշրջիկ, գյուղական հանգիստ, գյուղատնտեսություն, ասոցիացիա, օրենքԾանոթագրություն
Ագրոզբոսաշրջությունը ճանապարհորդությունն է դեպի գյուղական վայրեր, որի նպատակն է հանգստանալ գյուղական միջավայրում, հաղորդակից լինել բնությանը, բուսական և կենդանական աշխարհին։ Միաժամանակ, իրենց ցանկութ յամբ զբոսաշրջիկները կարող են մասնակցել գյուղատնտեսական, հողի մշակման, բերքահավաքի, և այլ աշխատանքներին: Բացի այդ, ագրոզբոսաշրջությունը գյուղական կյանքի և կենցաղի աշխուժացման և ազգային ավանդույթների, սովորույթների ու խոհանոցի համաշխարհային ճանաչման լավագույն միջոցներից մեկն է։ Ագրոզբոսաշրջությունը բնութագրվում է նաև որպես գյուղատնտեսության, գյուղական կյանքի և զբոսաշրջության մի յուրահատուկ համալիր, որի յուրաքանչյուր տարր իր յուրահատուկ դերակատարությունն ունի տվյալ երկրի տնտեսական արդյունքների ապահովման գործում։ Ագրոզբոսաշրջության զարգացման միջազգային փորձի վերլուծությունը խիստ կարևոր է, քանի որ այն թույլ է տալիս բացահայտել տարբեր երկրների զարգացման հիմական քայլերը և դրանք ՀՀ-ում տեղայնացնելու հնարավորությունները։ Հոդվածում վերլուծվել է ագրոզբոսաշրջության զարգացման փորձը տարբեր երկրների օրինակով, մասնավորապես`Ֆրանսիայի, Իտալիայի, Գերմանիայի, Վրաստանի, Ավստրալիայի, և այլն, տարբեր երկրներում այդ ոլորտում գործող ասոցիացիաները և դրանց գործառույթները։
