ՔՈՎԻԴ 19 ՀԱՄԱՃԱՐԱԿԻ ՀԱՄԱՏԵՔՍՏՈՒՄ ՀԱՍԿԱՑՈՒԹԱՅԻՆ ՓՈԽԱԲԵՐՈՒԹՅՈՒՆՆԵՐԻ ԱՐՏԱՊԱՏԿԵՐՈՒՄԸ ԱՄՆ-Ի և ՉԻՆԱՍՏԱՆԻ ՆԱԽԱԳԱՀԱԿԱՆ ՈՒՂԵՐՁՆԵՐՈՒՄ
DOI-:
https://doi.org/10.53614/18294952-2022.2-68Հիմնաբառեր․-:
հասկացութային փոխաբերություն, քաղաքական խոսույթ, նախագահ, ելույթ, փոխաբերություն, Ամերիկա, Չինաստան։Ծանոթագրություն
Քովիդ-19 համաճարակը հանկարծակի բռնկվեց ամբողջ աշխարհում և իրապես որևէ պետություն անմասն չմնաց: Այս առումով ամբողջ աշխարհի իշխանություններն իրենց անհանգստություններն սկսեցին արտահայտել քաղաքական ելույթներում՝ փորձելով ներկայացնել իրավիճակի կայունացման ուղիներ: Սույն հոդվածում ուսումնասիրվում և վերլուծվում են համաճարակը նկարագրող հասկացութային փոխաբերությունները ԱՄՆ-ի և Չինաստանի նախագահների ուղերձներում: Հոդվածում հակիրճ ներկայացվում են փոխաբերությունների տեսական հիմքերը ճանաչողական մոտեցման տեսանկյունից: Այնուհետև փորձ է արվում վերհանել այն աղբյուրները, որոնք ներկայացնում են համաճարակը փոխաբերորեն: Վերլուծությունը թույլ է տալիս եզրակացնել, որ երկու գերտերությունների նախագահների ելույթներում առկա են մեծ թվով փոխաբերություններ, որն էլ փաստում է, որ փոխաբերության կիրառությունը շատ կարևոր է օրհասական իրադարձությունների մասին խոսելիս: Մեր հետազոտության արդյունքում պարզ է դառնում, որ ամենաշատ հանդիպող փոխաբերությունները երկու նախագահների ուղերձներում միասնություն, տարածականություն, առարկա և պատերազմ արտահայտող փոխաբերություններն են։ Այնուամենայնիվ, հարկ է փաստել, որ ամերիկյան քաղաքական խոսույթում ավելի շատ են կիրառվում փոխաբերական արտահայտություններ, քան չինական քաղաքական խոսույթում:
