ԿՈՌՈՒՊՑԻԱՅԻ ՀԻՄՆԱԽՆԴՐԻ ՍՈՑԻԱԼ- ՓԻԼԻՍՈՓԱՅԱԿԱՆ ՎԵՐԼՈՒԾՈՒԹՅՈՒՆԸ
DOI-:
https://doi.org/10.53614/18294952-2021.1-49Հիմնաբառեր․-:
կոռուպցիա, հակակոռուպցիա, հասարակություն, այլընտրանքային, սոցիալական, բարոյական, քաղաքական:Ծանոթագրություն
Հոդվածը նվիրված է կոռուպցիայի հիմնահարցի համակողմանի վերլուծությանը, ինչպես նաև վերջինիս կանխարգելման հնարավոր ուղիների ուրվագծմանը: Տվյալ վերլուծության համար հիմք են հանդիսացել հայտնի հետազոտողների մոտեցումները, որոնք հիմնվում են միջազգային փորձի, մասնավորապես՝ Սինգապուրի վրա: Կոռուպցիայի հիմնահարցը վերլուծության է ենթարկվել լայն ու նեղ իմաստներով: Ամենալայն իմաստով կոռուպցիան հասարակայնորեն անցանկալի երևույթներից է, որը առնչվում է նաև մարդկային վարքի ու հարաբերությունների կարգավորման ու սոցիալական վերահսկողության հնարավորությունների հետ: Կոռուպցիան նեղ իմաստով մի երևույթ է, որի արդյունքում ղեկավար անձը կամ չարաշահում է իր պաշտոնական դիրքը, կամ էլ դեմ է գնում իր պարտականությունների կատարմանը՝ լրացուցիչ ֆինանսներ ձեռք բերելու նպատակով, այսինքն` կարծես տեղի է ունենում պետության սեփականաշնորհում անհատների կողմից: Հոդվածում առանձնացվել են այն ուղիները, որոնք հնարավորություն են տալիս ցույց տալու, թե մշակված օրենսդրության առկայության, հասարակության բարոյական դաստիարակման, հաշվետվողական պետական ծառայողների շնորհիվ ինչպես կարելի է հասնել կոռուպցիայի շեմի իջեցմանը, կանխարգելմանը կամ իսպառ վերացմանը:
