ԲՌՆԻ ԱՆՀԵՏԱՑՄԱՆ ՀԱՆՑԱԿԱԶՄՆ ԸՍՏ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ՆՈՐ ՕՐԵՆՍԳՐՔԻ ԴՐՈՒՅԹՆԵՐԻ
DOI-:
https://doi.org/10.53614/18294952-2022.2-8Հիմնաբառեր․-:
բռնի անհետացում, օրենս¬գիրք, դաշնագիր, հանցակազմ:Ծանոթագրություն
Հայաստանի Հանրապետության քրեական նոր օրենսգիրքն ուժի մեջ է մտել 2022 թվականի հուլիսի 1-ին: Օրենսգրքում նախատեսվել են նաև նոր հանցակազմեր: Դրանցից է բռնի անհետացման հանցակազմը: Այս նորամուծությունն ունի կոնվենցիոն հիմք, քննարկվող հանցակազմի նախատեսումը դասվում է Հայաստանի Հանրապետության պարտավորությունների թվին, որը բխում է «Բռնի անհետացումից բոլոր անձանց պաշտպանության մասին» միջազգային կոնվենցիայից:
Հոդվածը նվիրված է բռնի անհետացման հանցակազմի վերլուծությանը: Հետազոտության անհրաժեշտությունը, արդիականությունը և գիտական նորույթը պայմանավորված են հայրենական հեղինակների կողմից խնդրո առարկայի վերաբերյալ հետազոտությունների բացակայությամբ: Հոդվածում բացահայտվում են բռնի անհետացման օբյեկտիվ և սուբյեկտիվ հատկանիշները, բռնի անհետացման համար պատասխանատվությունը ծանրացնող հանգամանքները, կոնվենցիոն հիմքին համապատասխանությունը:
Հետազոտության արդյունքները, տեսական նշանակությունից զատ, ունեն նաև գործնական նշանակություն: Դրանք կարող են ուղեցույց հանդիսանալ խնդրո առարկա արարքին իրավաբանական գնահատական տվող և պատասխանատվության միջոցներ կիրառող մարմինների համար:
