ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ԻՆՍՏԻՏՈՒՏԸ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ
DOI-:
https://doi.org/10.53614/18294952-2021.2-10Հիմնաբառեր․-:
սոցիալական պաշտպանության ինստիտուտ, սոցիալական պաշտպանություն, իրավունք, սոցիալական ապահովություն, աշխատանք, ռիսկեր։Ծանոթագրություն
Հոդվածում վերլուծվել է «սոցիալական պաշտպանություն» հասկացության բովանդակությունը, որը բնութագրվում է որպես մարդու իրավունք, որպես քաղաքականությունների ու ծրագրերի ամբողջություն և որպես ռիսկերի կառավարման բազմաշերտ համակարգ։ Փաստվում է, որ սոցիալական պաշտպանությունը որպես մարդու հիմնական իրավունք, պատկանում է յուրաքանչյուրին ու իրագործվում ողջ կյանքի ընթացքում: Ուստի սոցիալական պաշտպանության օրենսդրությունը պետք է բխի «սոցիալական պաշտանություն բոլորի համար» հայեցակարգից և միտված լինի ազգային մակարդակում սահմանելուն սոցիալական պաշտպանության նվազագույն մակարդակ։ Հաշվի առնելով 2020 թ․ իրադարձությունների հետևանքով երկրում առկա ճգնաժամը` Արցախի և Հայաստանի անվտանգության ապահովման ու հետճգնաժամային սոցիալ-տնտեսական վերականգնման հետ կապված, ինչպես նաև կորոնավիրուսի համավարակի անորոշության պայմանները, առաջարկվում է ձևավորել սիներգետիկ (փոխազդող) արդյունավետություն ունեցող սոցիլական պաշտպանության համակարգ, մշակել քաղաքական և օրենսդրական ռազմավարություններ, ստեղծել սոցիալական պաշտպանության համակարգի ամուր իրավական և ինստիտուցիոնալ հիմքեր։
