https://banber.eiu.am/index.php/banber/issue/feed 2024-01-30T03:57:17-07:00 Նունե Ջոմարդյան research.incubator@eiu.am Open Journal Systems <div class="vc_custom_heading heading-title-3"> <h2>“Բանբեր ԵՄՀ” գիտական պարբերական</h2> <p><strong>ISSN 1829-4952</strong></p> </div> <div class="wpb_text_column wpb_content_element "> <div class="wpb_wrapper"> <div id="mainContent"> <div id="content"> <p>«Բանբեր Եվրասիա միջազգային համալսարանի» պարբերականն ունի բազմադիսցիպլինար (մուլտիդիսցիպլինար) բնույթ և հրատարակվում է տարին երկու անգամ՝ հունիսին և դեկտեմբերին։ Ունի բաց հասանելիություն։</p> <p><strong>Պարբերականում ընդգրկվում են հիմնարար և կիրառական հետազոտություններ հետևյալ որոլտներից՝</strong></p> <ul> <li>Իրավագիտություն</li> <li>Քաղաքագիտություն</li> <li>Տնտեսագիտություն</li> <li>Լեզվաբանություն և բանասիրություն</li> <li>Մանկավարժություն և դասավանդման մեթոդիկա</li> </ul> <p>«Բանբեր Եվրասիա միջազգային համալսարանի» պարբերականում հոդվածների տպագրությունն անվճար է: </p> <p><strong>Գիտաչափական շտեմարաններ և ինդեքսավորում</strong></p> <p>«Բանբեր Եվրասիա միջազգային համալսարանի» պարբերականը համաձայն ԲՈԿ-ի 28.06.2019թ. № 164Ա հրամանի ընդգրկված է ատենախոսությունների հիմնական արդյունքների և դրույթների հրատարակման համար ՀՀ ԿԳՄՍՆ բարձրագույն որակավորման կոմիտեի համար ընդունելի գիտական հրատարակությունների ցուցակում:</p> </div> </div> </div> </div> https://banber.eiu.am/index.php/banber/article/view/238 2024-01-29T02:02:01-07:00 Գևորգ Իսրայելյան gevorg.israelyan@eiu.am

<p>Հայաստանի Հանրապետու­թյունում թմրանյու­թերի հետ կապված հանցագոր­ծությունների ձևավորված միտումները և ստեղծված իրավիճակը ներքին մեծ սպառ­նալիք են ոչ միայն երկրի սոցիալական կյանքի, այլև ազգային անվտանգության հա­մար: Հոդվա­ծում քննարկվում է թմրանյութերի հետ կապված հանցագործութ­յուն­նե­րի և դրանց հա­կազդման հիմնախնդիրը, որի արդիականությունը պայմանա­վոր­ված է՝ ա) վեր­ջին տարիներին այս տեսակի հանցագործությունների աննախադեպ գրեթե կրկնակի աճով (1.78 անգամ), բ) ստեղծված իրավիճակի պատճառահետևանքային կա­­պերի բացահայտման կարևո­րությամբ, գ) թմրհանցագործության հակազդման արդյու­նավետ կանխար­գելման մի­ջոցների մշակ­ման համար քրեա­բա­նական հե­տա­զոտության իրականաց­ման, հիմ­նախնդրի լուծմանը միտված տեսամեթո­դաբանա­կան հենքի ստեղծման անհրաժեշ­տությամբ:</p> <p>2017-2022 թթ. պաշտոնական վիճակագրական և անցկացված հար­ցում­ներով հավաքագրված տվյալների հիման վրա կատարված իրավիճակի համա­կողմանի վերլուծությամբ՝ ուսումնասիրվել են թմրահանցագործություններին նպաստող քրեա­ծին, այդ թվում՝ լատենտային, գոր­ծոնները, բացահայտվել է ընդհանուր հանցագոր­ծությունների միտումների և թմրահանցագործությունների փոխկապվա­ծությունը, առաջարկվել է հակազդման միջոցների շրջանակ:</p>

2023-12-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/239 2024-01-29T02:28:32-07:00 Զավեն Սմբատյան zaven.smbatyan@yerevan.am

<p>Հոդվածում քննարկվում են վարչական ակտի՝ որպես ՀՀ Սահմանադրությամբ ամրագրված պատշաճ վարչարարության ինստիտուտի արդյունավետ կենսագործման արդյունքի էությունն ու նշանակությունը:</p> <p>Սույն ուսումնասիրության նպատակը իրավական հետազոտության հիման վրա իրավաչափ վարչական ակտի՝ որպես վարչական մարմինների պատշաճ վարչարարության երաշխավորման արդյունքի, և դրա օրինականության վերաբերյալ միասնական դատողությունների ամրագրումն է, ինչպես նաև տեսական և գործնական փորձի հիման վրա առավել արդյունավետ և հատկանշական կարգավորումների խարսխումը ՀՀ գործող օրենսդրական դաշտում:</p> <p>Սույն ուսումնասիրության գործնական նշանակությունը նրանում է, որ վարչարարության ինստիտուտի սահմանադրաիրավական և վարչաիրավական ընկալումների տարանջատման և Եվրոպայի խորհրդի նախարարների կոմիտեի առաջարկության քննարկման արդյունքում, պատշաճ վարչարարության տարրերի բացահայտման և գնահատման հիման վրա, ձևակերպվել են միասնական ընկալումները և լավարկվել են առկա կարգավորումները:</p>

2023-12-29T00:00:00-07:00 Copyright (c) 2023 https://banber.eiu.am/index.php/banber/article/view/240 2024-01-29T05:52:42-07:00 Աշոտ Զաքարյան ashot.zaqaryan.55555@inbox.ru

<p>Սույն հոդվածը անդրադառնում է արդի իրավագիտության կարևորագույն տեսական և գործնական հիմնախնդիրներին՝ իշխանությունների տարանջատման սկզբունքի դրսևորմանը պետական իշխանության իրավական սահմանփակման համատեքստում: Հոդվածում բացահայտվում է արդի իրավաբանական գրականությունում առկա իրավական սահմանափակում հայեցակարգի, իշխանությունների բաժանման սկզբունքի, ինչպես նաև զսպումների և հակակշիռների համակարգի էությունն ու դրսևորման առանձնահատկությունները:</p> <p>Թեմայի ուսումնասիրության նպատակն է՝ հիմք ընդունելով կատարված հետազոտություն առանձնահատկությունները և ստացված&nbsp; արդյունքները, ներկայացնել իշխանությունների տարանջատման սկզբունքի վերաբերյալ հայտնի իրավագետների, փիլիսոփաների տարաբնույթ մոտեցումները, տվյալ սկզբունքի դրսևորման առանձնահատկությունները նախագահական, կիասանախագահական և խորհրդարանական հանրապետություններում, ինչպես նաև ներյակացնել դրանց վերաբերյալ հեղինակային վերլուծությունները: Առանձնակի ուշադրության են արժանացնել իշխանությունների տարանջատման սկզբունքի համատեքստում օրենսդրական նախաձեռնության իրավունքի պատվիրակման և նախագահի կողմից վետոյի կիրառման հիմնախնդիրները:</p> <p>Ուսումնասիրության արդյունքները հնարավորություն կընձեռնեն առավել մանրամասն պատկերացում կազմել տարբեր պետություններում&nbsp; և պետական կառավարման ձևերում&nbsp; իշխանությունների տարանջատման սկզբունքի օրենսդրական ամրագման վերաբերյալ, ինչի արդյունքում կկարողանանք կատարելագործել ՀՀ օրեսնդրությունը:</p>

2023-12-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/243 2024-01-29T10:46:44-07:00 Լիլյա Ավետիսյան l.a.avetisyan.l@gmail.com

<p>Հոդվածում ներկայացվել են մարքեթինգի արդի միտումները, վերլուծվել է հրուշակեղենի համաշխարհային շուկայի զարգացման դինամիկան ըստ ապրանքատեսակների, տարիքային խմբերի, գնային կատեգորիայի, բաշխման կապուղիների, տարածաշրջանների, ինչպես նաև վերհանվել են մարքեթինգի առանձնահատկությունները հրուշակեղենի շուկայի զարգացման ժամանակակից պայմաններում, ՀՀ հրուշակեղենի շուկայում գործող առաջատար ընկերություններից մեկի՝ «Գրանդ Քենդի»-ի մարքեթինգային գործունեության համակողմանի վերլուծության արդյունքում բացահայտվել են առկա հիմնախնդիրները և առաջարկվել դրանց հաղթահարման հնարավոր ուղիներ:&nbsp;&nbsp; &nbsp;&nbsp;&nbsp;&nbsp;</p>

2023-12-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/244 2024-01-29T11:42:17-07:00 Համազասպ Գալստյան hamazasp.s.galstyan@gmail.com Քրիստինե Թաթոսյան kristine.tatosyan@gmail.com Գագիկ Բադադյան gagikbadadyan@gmail.com

<p>ՀՀ խոշորացված համայնքներում սոցիալ-տնտեսական զարգացման մակարդակը բարձրացնելու և համայնքային խնդիրների լուծման կարևոր լծակը բյուջետային եկա­մուտների և ծախսերի արդյունավետ գործող համակարգն է։ Հոդվածում վերլուծվում են համայնքային բյուջեի եկամտային և ծախսային կառուցվածքները և ներկայացվում են գործնական առաջարկություններ՝ խոշորացված համայնքների բյուջեների ծախսերի օպտիմալացման համար:</p> <p><strong><em>Հետազոտության առարկան</em></strong> ՀՀ վարչատարածքային բարեփոխումների ազդե­ցու­թ­յան գնահատումն է համայնքի եկամուտների ապակենտրոնացման և ծախսերի օպ­տիմալ կառավարման տեսանկյունից: <strong><em>Հետազոտության օբյեկտը</em></strong> ՀՀ Կոտայքի մար­զի Չարենցավան խոշորացված համայնքի եկամուտները և ծախսերն են: <strong><em>Հետա­զոտության նպատակն է</em></strong> գնահատել խոշորացման ազդեցությունը Չարենցավան համայնքի եկամուտների ապակենտրոնացման և ծախսերի օպտիմալ կառավարման մակարդակի վրա` ընդհանուր եկամուտներում սեփական եկամուտների մասնաբաժնի փոփոխության և համայնքապետարանի աշխատակազմի վրա կատարվող ծախսերի փոփոխությունների (խոշորացումից առաջ և հետո) հաշվարկի իրականացման միջոցով:</p> <p>Հետազոտության հիմնական <strong><em>խնդիրներն են</em></strong> վերլուծել Չարենցավան համայնքի 2012-2022 թթ. եկամուտների ապակենտրոնացման հիմնական ցուցանիշները, դրանց բացարձակ, հարաբերական արժեքները և տալ ամփոփ գնահատական, ինչպես նաև ուսումնասիրել Չարենցավանի համայնքապետարանի աշխատակազմի վարձատրության ֆոնդերի և հաստիքների փոփոխությունը համայնքի խոշորացման պայմաններում: <strong><em>Հետազոտության արդիականությունը </em></strong>պայմանավորված է նրանով, որ ՀՀ-ում գրեթե չեն իրականացվել որևէ համայնքի եկամուտների և ծախսերի ուսումնասիրություններ` ինչպես 2015 թվականից մեկնարկած վարչատարածքային բարեփոխումներից առաջ, այնպես էլ՝ դրանից հետո: Սույն հետազոտությամբ փորձ է արվել պարզելու իրավիճակը և նախանշելու Չարենցավան համայնքի եկամուտների ապակենտրոնացման և ծախսերի կառավարման օպտիմալացման հնարավոր ուղիները:</p>

2024-01-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/245 2024-01-29T12:12:53-07:00 Փարիզա Մոգհադամ parisa.moghaddam2022@gmail.com

<p>Սույն հոդվածը ուսումնասիրում է էկոհամակարգերի վրա մարդու կողմից առաջացրած բնապահպանական սպառնալիքների ազդեցությունը, կառավարությունների և մասնավոր հատվածի կողմից կրած բնական աղետների շոկային ծախսերը, ինչպես նաև կարճաժամկետ և երկարաժամկետ տնտեսական ազդեցությունները, որոնք առաջանում են մարդու կողմից ուղղակի կամ անուղղակի ազդեցության հետևանքով: Հոդվածում Բհոպալի գազի ողբերգությունը դիտարկվում է որպես թեմատիկ ուսումնասիրություն իր տարբեր բնութագրերով՝ ուսումնասիրելու տեխնածին աղետների տնտեսական, բնապահպանական և սոցիալական կողմերը, ինչպես նաև առաջադրելու արդյունավետ և կենսունակ կառավարման ռազմավարություն և համարժեք արձագանք ապագա հնարավոր աղետներին:</p> <p>Վերլուծության մեջ քննարկվել են աղետների կառավարման մեջ I/O (մուտքային/ելքային) մոդելավորման հետ կապված ընթացիկ հետազոտությունները՝ կենտրոնանալով բնական աղետների ազդեցությունը վերլուծելու և կանխատեսելու համար մաթեմատիկական մոդելների օգտագործման վրա: Ըստ էության I/O (մուտքային/ելք) մոդելավորումը համակարգի մուտքերն ու ելքերը դիտարկելու և այդ տեղեկատվությունը օգտագործելու համար մոդելներ ստեղծելու միջոց է, որը կարող են օգտագործվել համակարգի վարքագիծն ու արդյունքները կանխատեսելու համար:</p> <p>I/O (մուտքային/ելք) մոդելավորումն օգտագործվել է տարբեր ոլորտներում, ներառյալ տնտեսագիտությունը, ճարտարագիտությունը և գործառնական հետազոտությունները: Այնուամենայնիվ, աղետների կառավարման մեջ I/O (մուտքային/ելք) մոդելավորման օգտագործումը համեմատաբար նոր երևույթ է, քանի որ այս թեմայի վերաբերյալ հետազոտությունները սկսվել են միայն 2000-ականների սկզբին:</p>

2023-12-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/241 2024-01-29T09:47:46-07:00 Ռաֆիկ Ավետիսյան ravetisyan94@gmail.com

<p>Սույն հոդվածում քննարկվում են Վրաստանի արտաքին քաղաքականության մարտահրավերները, մասնավորապես՝ Ռուսաստան-Վրաստան հարաբերությունների զարգացման խնդիրները և ՆԱՏՕ-Վրաստան համագործակցության հեռանկարները: Վերջին տարիների աշխարհաքաղաքական փոփոխությունները սպառնալիքներ են ստեղծում Վրաստանի անվտանգության համար, որոնք Վրաստանը փորձում է հաղթահարել արտաքին քաղաքականության հավասարակշռման միջոցով: Հետազոտության նպատակը՝ ՆԱՏՕ-Ռուսաստան աշխարհաքաղաքական մրցակցության պայմաններում Վրաստանի արտաքին քաղաքականության հավասարակշռման գնահատումն է: Քննարկվում են Վրաստանի ներքաղա­քական ճգնաժամի և արտաքին քաղաքականության փոխկապակցվածությունը, ռուս-վրացական հարաբերությունների զարգացման խնդիրները, ՆԱՏՕ-Վրաստան համագործակցության հեռանկարները: Հետազոտությունն իրականացվել է Արցախյան պատերազմի և ռուս-ուկրաինական պատերազմի հաշվառմամբ: Ըստ գնահատումների՝ վերջինիս հանգուցալուծմամբ և Արևելյան Եվրոպայում Ռուսաստան-Արևմուտք քաղաքա­կան հարաբերությունների հետագա ընթացքով է պայմանավորված լինելու ռուս-վրացական հարաբերությունների և Վրաստանի եվրոատլանտյան ձգտումների ապագան:</p>

2023-12-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/242 2024-01-29T10:14:33-07:00 Անահիտ Սերոբյան anahitserobyan99@gmail.com

<p>Հոդվածում քննարկվում են «Արդարություն և զարգացում» կուսակցության սահմանած՝ Թուրքիայի արտաքին քաղաքականության ժամանակակից հայեցակարգային մոտեցումներին վերաբերող հարցեր:&nbsp; Անդրադարձ է կատարվում այդ քաղաքականության հիմնադիրներից մեկի՝ Ահմետ Դավիթօղլու «Ռազմավարական խորություն» մենագրության մեջ արտացոլված հայեցակարգային մոտեցումներին , որոնք առնչվում են Թուրքիայի դերին՝ փոփոխվող աշխարհակարգի պայմաններում: Թեմայի ուսումնասիրության հիմնական նպատակն է՝ վեր հանել տարածաշրջանային աճող անկայունությունը, անվտանգության խնդիրները, որոշ հարեւանների հետ հարաբերությունների վատթարացումը, որդեգրած դոկտրինը, ներքաղաքական գործոնները, որոնք նպաստել են ավելի հաստատակամ և պրագմատիկ արտաքին քաղաքականության իրականացմանը: Ուսումնասիրությամբ փորձ է արվել ըմբռնել նոր իրողությունների խորապատկերին Թուրքիայի կողմից ձեռնարկվող քայլերի, այդ համատեքստում՝&nbsp;&nbsp; Հարավային Կովկասում Թուրքիայի կիրառած, «կոշտ ուժի» և «փափուկ ուժի» զուգակցման քաղաքականության տրամաբանությունը և արդյունավետությունը՝ տարածաշրջանային մարտահրավերների հաղթահարման, իր ազգային շահերի պաշտպանության, հարևան երկրների հետ հարաբերությունների կայունացման տեսանկյունից:</p>

2023-12-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/246 2024-01-30T00:02:09-07:00 Սուսաննա Գրիգորյան susannagrigoryan@ysu.am

<p>Սույն հոդվածի նպատակը Վ. Արևելցու&nbsp; ներբողների&nbsp; լեզվաոճական առանձնահատկությունների քննությունն է: Հայտնի է, որ յուրաքանչյուր ստեղծագործության պատկերային համակարգում որոշիչ դեր են կատարում հեղինակի աշխարհընկալումը, նախասիրությունը, տրամադրությունն ու անհատական մղումները:</p> <p>Վարդան Արևելցին հայ միջնադարյան մշակույթի կարկառուն դեմքերից է՝ ազգային–հասարակական գործիչ,&nbsp; փիլիսոփա, պատմագիր, մատենագիր, թարգմանիչ, աշխարհագրագետ: Այս բոլոր արժանիքների համար ժամանակակիցները նրան անվանել են «նոր լուսավորիչ», «հոգիապայծառ սուրբ հայր», «լուսավոր վարդապետ», &nbsp;«տիեզերալույս վարդապետ» պատվանուններով։ Իսկ Գրիգոր Տաթևացին նրան պատվել է «Մեծն Վարդան» անունով:</p> <p>Վ. Արևելցու մատենագրական, պատմաբանասիրական ժառանգությունն ամբողջացրել է Փ. Անթապյանը իր երկհատոր աշխատության մեջ (Անթապյան), որտեղ ներկայացնում է հեղինակի ոչ միայն&nbsp; հայտնի ստեղծագործությունները, այլև մինչ այդ անուշադրության մատնված ճառերն ու ներբողները:</p> <p>Սույն&nbsp; հոդվածի համար մենք հիմք ենք ընդունել Վ. Արևելցու ճառերի և ներբողների՝ Հ. Քյոսեյանի կողմից&nbsp; կազմված&nbsp; քննական բնագրերը, որոնց ուսումնասիրությունը հնարավորություն է տալիս վերհանելու միջնադարյան Հայաստանում առկա վարդապետական մտքի երկու կարևորագույն մարզերի՝ սուրբգրային և դավանական աստվածաբանության առանձնահատկությունները (Քյոսեյան, 2000, էջ 5):</p>

2023-12-29T00:00:00-07:00 Copyright (c) 2023 https://banber.eiu.am/index.php/banber/article/view/247 2024-01-30T02:01:36-07:00 Լուիզա Գասպարյան luisa.gasparyan83@gmail.com

<p>Հոդվածի առանցքում <em>Bildungsroman</em>-ի, այն է՝ «կրթության» կամ «ձևավորման» վեպի թարգմանության տեսական և գործնական ուսումնասիրությունն է: Գրականագետների տեսապատմական ուսումնասիրությունների հենքի վրա բացահայտվում է, որ Չ. Դիքենսի վեպերի մեծ մասը ներկայացնում է դասական <em>Bildungsroman</em>: Սույն հետազոտությունը կենտրոնանում է Չ. Դիքենսի «Մարտինա Չեզլվիթ» վեպի ուսումնասիրության և դրա ռուսերեն և հայերեն թարգմանությունների համեմատական ​​վերլուծության վրա։ Ակնհայտ է, որ Դիքենսի վեպում լայնորեն ներկայացված են կրթական և դիդակտիկ տարրերը, որոնք թարգմանությունների միջոցով վերամեկնաբանվում կամ ենթարկվում են փոփոխության՝ համաձայն թարգմանվող տեքստի սոցիալ-մշակութային տիրույթի։</p>

2023-12-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/248 2024-01-30T03:24:35-07:00 Մարտա Մորդովան-Ցիվինսկա Marta.Cywinska.naukowe@gmail.com

<p>Սույն ուսումնասիրությունը ներդրում է Pomaranczowaէ «Սոցիալիստական ​​սյուռեալիզմի մանիֆեստի» վերլուծության գործում՝ դիտարկելով այն լեհական ավանգարդիստական ​​շարժման Pomarańczowa Alternatywa («Նարնջագույն այլընտրանք») գաղափարախոսական և գեղարվեստական ​​գործունեության համատեքստում։ Հեղինակը ցույց է տալիս շարժման ակունքները՝ մեջբերելով ավանգարդիստական ​​այլ շարժումներ, որոնք նախորդել են «Նարնջագույն այլընտրանք»-ի ձևավորմանը և նրա կարևորագույն մանիֆեստի հրապարակմանը։ Վերջինս հիշատակում է լեհ ֆուտուրիստներին և ֆրանսիացի սյուռեալիստներին, որոնք հստակ ազդեցություն են ունեցել ստեղծագործական երևակայության վրա։</p>

2023-12-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/249 2024-01-30T03:35:15-07:00 Անի Թամազյան ani1tamazyann@gmail.com

<p>Սույն հետազոտությունն ուսումնասիրում է ԵԱՀԿ Մինսկի խմբի հայտարարություններում Լեռնային Ղարաբաղի երկարամյա հակամարտության կարգավորման վերաբերյալ առկա&nbsp; դեկլարատիվների արդյունավետությունը։ Մեր&nbsp;&nbsp;&nbsp; ուսումնասիրությունը փորձում է գնահատել, թե որքանով են դեկլարատիվները նպաստում հակամարտության կարգավորմանը: Այս հետազոտության հիմնական նպատակն է ուսումնասիրել ԵԱՀԿ Մինսկի խմբի կողմից կիրառվող դեկլարատիվները &nbsp;և պարզել, թե ինչու այդ հայտարարությունները չեն հանգեցրել էական առաջընթացի Լեռնային Ղարաբաղի հակամարտության կարգավորման գործում: Գնահատելով հայտարարությունների դեկլարատիվները՝ այս ուսումնասիրությունը հնարավորություն է տալիս պատկերացում կազմել այն գործոններից մեկի մասին, որը խոչընդոտել է Լեռնային Ղարաբաղի հակամարտության խաղաղ կարգավորմանը։</p>

2023-12-29T00:00:00-07:00 Copyright (c) 2024 Բանբեր Եվրասիա միջազգային համալսարանի https://banber.eiu.am/index.php/banber/article/view/250 2024-01-30T03:46:57-07:00 Սյուզաննա Գրիգորյան suzy.grigoryan@ysu.am

<p>հարցազրույցներում։ Գործարար խոսույթն, ընդհանուր առմամբ, և գործարար հարցազրույցը (այսուհետ՝ ԳՀՑ) մասնավորապես, դիտում ենք որպես&nbsp; լոկուտիվ, իլլոկուտիվ, պերլոկուտիվ ակտերի միասնություն, որտեղ կարևորվում է խոսակիցների հաղորդակցական նպատակն ու մտադրությունը, ինչպես նաև գործարարների ներգործությունը լսարանի հետագա ընտրության և գործողությունների վրա։ ԳՀՑ խոսույթի հաղորդակցական կաղապարի&nbsp; շրջանակներում կատարված խոսքային ակտերի վերլուծությունը թույլ է տալիս պարզել, որ&nbsp; հարցուպատասխան խոսքահերթում առանցքային կարևորություն է ստանում պերլոկուցիան։ Սույն աշխատությունում բացահայտվում են ԳՀՑ խոսույթում առավել հանդիպող խոսքային ակտերը, որոնք կիրառվում են որպես պերլոկուտիվ ազդեցության հասնելու միջոց։ Պերլոկոտիվ ազդեցությունը գործարար հարցազրույցում գործարարի խոսքային ակտերի միջոցով սպառողների ենթագիտակցության, մտքերի, հույզերի, կարծիքի, ընտրության և հետհաղորդակցական վարքի ցանկալի փոփոխությունն է։ &nbsp;</p>

2023-12-29T00:00:00-07:00 Copyright (c) 2023 https://banber.eiu.am/index.php/banber/article/view/251 2024-01-30T03:57:17-07:00 Արփինե Սարգսյան a.s.arpinesargsyan@gmail.com

<p>Համալսարաններում տնտեսագիտության դասավանդումը կարող է լինել և՛ ստեղծագործական, և՛ արդյունավետ՝ ներառելով տարբեր մեթոդներ, որոնք ներգրավում են ուսանողներին, խթանում նրանց քննադատական մտածողությունը, և տեսությունը կապում իրական աշխարհի երևույթների հետ:</p> <p>Տնտեսագիտական կրթությունը համալսարանական մակարդակում ենթարկվում է տարբեր փոխակերպումների՝ պայմանավորված արագ փոփոխվող աշխարհի պահանջներին համապատասխանելու, ուսանողներին գործնական հմտություններով և իրական աշխարհի տնտեսական երևույթների խորը ըմբռնման կարողությամբ օժտելու անհրաժեշտությամբ:</p> <p>Հետազոտության արդիականությունը պայմանավորված է տնտեսագիտական կրթության առջև ծառացած մարտահրավերներով, ինչպիսիք են պասիվ ուսուցումը, տեսական գիտելիքների և գործնական հմտությունների միջև առկա բացը:</p> <p>Սույն հետազոտության նպատակն է՝ բացահայտել տնտեսագիտական կրթության մեջ նորարարական մեթոդների կարևորությունը և ուրվագծել ճանապարհային քարտեզ դասավանդողների համար՝ ուսումնական գործընթացն ավելի արդյունավետ և հետաքրքիր դարձնելու, ինչպես նաև ուսանողներին ժամանակակից տնտեսական մարտահրավերներին նախապատրաստելու համար:</p> <p>Ուսումնասիրվում է ակտիվ ուսուցման մեթոդների, մասնավորապես՝ հիմնախնդրի վրա հիմնված ուսուցման (անգլ.՝ Problem-based learning- PBL) և իրավիճակային վերլուծության (case study) մեթոդների ներդրումը համալսա­րանա­կան կրթության մեջ՝ տնտեսագիտության դասավանդման համար: Ակտիվ ուսուց­ման մեթոդները բարձրագույն կրթության մեջ իրենց լայն կիրառումն են գտել քննադատական մտածողության, հիմնախնդիրների լուծման, ստեղծա­րարության և այլ հմտությունների խթանման, ինչպես նաև տեսական գիտելիքների գործնական կիրառման հնարավորության շնորհիվ:</p> <p>Հոդվածը կարող է հանդիսանալ համապարփակ ուղեցույց՝ PBL-ի և իրավիճակային վերլուծության կիրառման վերաբերյալ՝ առաջարկելով օրինակներ և գործնական առաջադրանքներ դասախոսների համար, ովքեր նպատակ ունեն նորարարական մոտեցումներ կիրառելու իրենց դասընթացներում:</p>

2023-12-29T00:00:00-07:00 Copyright (c) 2023